У Падзяцы гаворыцца: “…За дасягненні высокіх паказчыкаў у абласным конкурсе “Лепшая пярвічная арганізацыя 2018 года”. Гэта не першая высокая ацэнка работы старшыні праўлення Чэрвенскай пярвічкі. Алена Мікалаеўна неаднаразова і ў мінулыя гады ўзнагароджвалася Дыпломамі і Граматамі за добрасумленную працу. Яна 12 гадоў запар выбіраецца на пасаду старшыні ў сваёй пярвічцы. Добра ведае сваіх падапечных. Іх у яе 106 чалавек: 33 – інваліды па зроку першай групы, 37 — інваліды па зроку другой групы, 30 – трэцяй. Шэсць чалавек уваходзяць у склад пярвічкі на правах відушчых. У горадзе пражывае 54 чалавека, на вёсцы – 46. Адзін чалавек з сям’і загінуўшага. Ніхто не застаецца ў яе па-за ўвагай, наведвае ўсіх: і тых, хто жыве ў горадзе, і тых, хто – на вёсцы. Вывучае матэрыяльна-бытавое становішча людзей, ведае, каму якая дапамога патрэбна. І дапамагае: гуманітарную дапамогу даставіць, кагосьці ў бальніцу правядзе, у санаторый адправіць. І на святы павіншуе, і ў горы падтрымае. У сваёй рабоце адчувае падтрымку сацыяльных работнікаў Чэрвенскага раённага тэрытарыяльнага цэнтра сацыяльнага абслугоўвання насельніцтва. Многія члены арганізацыі знаходзяцца на надомным абслугоўванні.
У мінулым годзе члены пярвічкі актыўна ўдзельнічалі ў розных конкурсах і святах, выставах народнай творчасці. На працягу многіх гадоў удзельнічаюць у абласным конкурс інвалідаў па зроку “Брэйн-рынг”. І зараз члены пярвічнай арганізацыі рыхтуюцца да абласнога конкурсу “Музычная палітра”, які адбудзецца ў Мінску напрыканцы гэтага месяца. Жадаем ім поспехаў!
Таццяна МАРЦЬЯНАВА. Фота аўтара
Карта сайта