Жыхары гарадскога пасёлка Смілавічы ўзнялі пытанне па якасці зацягнуўшагася капітальнага рамонту дома №28 па вуліцы М.Горкага. Работы выконвае Пухавіцкае МПМК-14.
- У мінулым годзе былі вылучаныя грошы на капітальны рамонт нашага дома, але па сённяшні дзень рамонт не скончаны, - патлумачыла адна з заяўніц. - Тое, што зроблена, выканана вельмі няякасна, шмат недаробак. І няма яснасці, калі рамонт завершыцца.
Ігар Яўсееў падчас прыёму грамадзян звязаўся з дырэктарам будаўнічай арганізацыі: сумесная сустрэча з усімі зацікаўленымі бакамі, у тым ліку з дырэктарам МПМК-14, адбудзецца ў бліжэйшы панядзелак.
Дзве шматдзетныя сем'і, якія пражываюць у аграгарадку Вайнілава, хацелі б прыватызаваць дамы, якія належаць сельскагаспадарчаму прадпрыемству «10 з'езд Саветаў». Аднак статус жылля - службовае - прадугледжвае, што канчатковы вердыкт застаецца за сельгаспрадпрыемствам, якое паступае па сваім меркаванні. Як варыянт вырашэння жыллёвага пытання, ім прапанавалі ўзяць зямельны ўчастак і субсідыю на будаўніцтва жылля.
[Навіна дапаўняецца]
Карта сайта