Ведаў не хапала. На дапамогу прыйшла асветніцкая ўстанова «Сацыяльныя інтэрвенцыі». Трэнер-кансультант па пытаннях арганізацыйнага развіцця і развіцця супольнасцяў Ігар Шары ў пятніцу ў раённым цэнтры культуры і вольнага часу правёў аднадзённы семінар-трэнінг на тэму: «Праектны кантроль у некамерцыйнай дзейнасці».
На яго сабраліся работнікі сацыяльнай службы, адукацыі, культуры, аховы здароўя Чэрвеньскага і Бярэзінскага раёнаў - кіраўнікі ўстаноў, іх намеснікі, кіраўнікі структурных падраздзяленняў. На адзін дзень усе яны ператварыліся ў каманду аднадумцаў, якіх цікавіла адно - як ператвараць свае ідэі ў жыццё. Бо для яе ўвасаблення патрэбен праект. Спачатку разабраліся з тым, што гэта такое і якія крытэрыі ён павінен утрымліваць. Навучыліся апісваць праблему, ставіць мэты і задачы, складаць планы па іх выкананню.
Удзельнікі высока ацанілі праведзены семінар, выказаўшы словы ўдзячнасці Ігару Шарому. Вельмі каштоўным апынуўся і вопыт зносін адзін з адным і абмеркаванне праектаў, прадстаўленых ўдзельнікамі.
У завяршэнне семінара-трэнінгу Ігар Шары адзначыў, што самае важнае - гэта тое, што ў раёнах ёсць людзі, якія вылучаюць актуальныя для грамадства і развіцця тэрыторый ідэі і якія гатовыя вучыцца таму, як гэтыя ідэі рэалізаваць.
Таццяна Марцьянава. Фота аўтара
Карта сайта