Яго ацэньвала журы, у складзе якога былі выкладчыкі Беларускага дзяржаўнага універсітэта культуры і мастацтваў, акцёры і рэжысёры, кіраўнікі творчых калектываў Рэспублікі Беларусь. Сярод канкурсантаў - юныя артысты з Барысава, Ліды, Дзяржынска, Фаніпаля, Мінска і краін СНД.
Лепшай ва ўзроставай групе 10-14 гадоў стала Аляксандра Кузняцова, яна ўзнагароджана Дыпломам І ступені. Дыплом ІІ ступені ўручаны Вікторыі Камленок ў гэтай жа ўзроставай групе, Дыплом ІІІ ступені - Валерыі Баравік ва ўзроставай групе 5-9 гадоў.
У іх выкананні прагучалі творы Эдуарда Успенскага «Безуважлівая няня», Віктара Арлова «Варона» і Мусы Джаліля «Панчошкі».
Нягледзячы на юны ўзрост, дзяўчынкі добра выканалі складаную па рэпертуары паэзію і прозу на ваенную тэматыку. Першы раз у жыцці яны акунуліся ў атмасферу суперніцтва, выступаючы на вялікай сталічнай сцэне, здолелі перамагчы хваляванне. Гэта добры старт для будучых перамог.
Удзел у такім прэстыжным конкурсе дае магчымасць правільна ўзважыць сілы і зразумець, над чым працаваць далей і педагогу, і вучню. Вучыць змагацца з хваляваннем, дадае рашучасці і мэтанакіраванасці, пазбаўляючы ад бескарыснай мітусні. Дзяўчынкі адчулі смак выступу. Сёння - гэта густ радасці! Радасці ад таго, што зрабілі першы крок, пераадолелі свае страхі і сумневы, а значыць - перамаглі сябе.
Вольга ШАЛАБНЁВА, настаўнік тэатральнага аддзялення Чэрвенскай дзіцячай школы мастацтваў. Фота аўтара
Карта сайта