Як паведамляе “Расійская газета”, выстаўка падрыхтавана Нацыянальным гістарычным музеем Беларусі. У экспазіцыі прадстаўлены копіі малюнкаў Чэслава Манюшкі, бацькі нашага славутага земляка-кампазітара, а таксама –нотныя зборнікі, афішы, фотаздымкі тэатральных пастановак, творы сучасных беларускіх мастакоў, створаныя да юбілею Станіслава Манюшкі, які будзе адзначацца 5 мая.
Падчас адкрыцця выставы адбыўся канцэрт, складзены з твораў кампазітара. Іх выканалі студэнты Беларускай дзяржаўнай акадэміі музыкі, лаўрэаты і дывламанты І Рэспубліканскага адкрытага конкурсу вакалістаў імя Станіслава Манюшкі. Удзел у вечарыне бралі прадстаўнікі кіраўнічых структур Саюза Беларусі і Расіі, СНД, Еўразійскай эканамічнай камісіі, дзеячы навукі, культуры, прадстаўнікі творчай інтэлігенцыі Масквы, беларускай дыяспары.
Ігар АДАМОВІЧ
Карта сайта