Як ужо паведамляў «Раённы веснік», адным з факеланосцаў будзе і жыхар Червеня, спартсмен, трэнер па цяжкай атлетыцы, лідэр раённай арганізацыі БРСМ Павел КЛЫНДЮК.
Ён адзіны прадстаўнік Чэрвеньшчыны, які ўвайшоў у лік 450 факеланосцаў Еўрапейскага агню.
Стала вядома, на якім менавіта геаграфічным адрэзку панясе факел наш зямляк. Гэта будзе ўчастак дыстанцыі ў Мінскай вобласці, у горадзе Маладзечна. Павел распавёў, што ён бяжыць 15 чэрвеня. Прыехаць у Маладзечна неабходна 14-га для інструктажу і прымеркі спецыяльнай спартыўнай формы.
Міншчына стане шостай, заключнай вобласцю, па якой у Беларусі пранясуць «Полымя Свету». У Маладзечна агонь прыбудзе з Хатыні, далей шлях факеланосцаў - на Заслаўе, «Лінію Сталіна» і Курган Славы. Урачыстае Адкрыццё гульняў адбудзецца на «Дынама» 21 чэрвеня.
Карта сайта