Вясна традыцыйна з'яўляецца часам уборкі. У гэты час па ўсёй краіне праводзіцца месячнік па добраўпарадкаванні і навядзенні парадку на зямлі. На Чэрвеньшчыне старт яму быў дадзены ў мінулую суботу, калі на вуліцы з рабочым інвентаром выйшлі не толькі камунальнікі, але і многія працоўныя калектывы раёна. Прыбіралі двары, вуліцы, скверы, мемарыяльныя комплексы, месцы баявой і воінскай славы, тэрыторыі прамысловых і сельскагаспадарчых арганізацый, будаўнічых пляцовак, чысцiлi дваровыя тэрыторыі жылых дамоў. Праводзілася генеральная ўборка на тэрыторыі сельсаветаў, лясгасаў, звярталася ўвага на стан прыдарожных палос, прыпыначных пунктаў.
А суботу, у дзень правядзення рэспубліканскага суботніка, калектывы ўсіх арганізацый, прадпрыемстваў, устаноў, раённыя службы, індывідуальныя прадпрымальнікі, жыхары працуюць на ўласных, прылеглых, а таксама замацаваных тэрыторыях.
Карэспандэнты раённай газеты прайшлі па адрасах рэспубліканскага суботніка і сфатаграфавалі працоўныя моманты.
Дэпутаты Чэрвеньскага раённага Савета дэпутатаў на чале са старшынёй Мікалаем Лойка высадзілі туі ў скверы касманаўтаў у Чэрвені.
Абразаюць дрэвы, вывозяць смецце ў раёне завулка К.Лібкнехта, недалёка ад праваслаўнага храма, калектывы землеўпарадкавальнай службы і ўпраўлення сельскай гаспадаркі і харчавання райвыканкама, раённых энергасетак, энергагазінспекцыі і энергасбыта.
Падсыпку адхонаў на пешаходных дарожках, іх добраўпарадкаваннем ўздоўж вуліцы Ленінская займаюцца работнікі Чэрвенскай цэнтральнай раённай бальніцы, Энергасэрвіс, ЖКГ.
Недалёка ад іх дружна працуюць ветэранская арганізацыя воінаў-афганцаў, супрацоўнікі ваенкамата, аддзела ідэалагічнай работы, культуры і па справах моладзі райвыканкама, РАУС. Яны ўладкоўваюць помнік воінам-інтэрнацыяналістам і прылеглую алею ўздоўж пешаходнай дарожкі па вуліцы Ленінская.
Калектывы гаргазу і Белаграпрамбанка наводзяць парадак ўнутры могілак па вуліцы Мінскай, а валанцёры БРСМ - каля помніка моладзі і камсамольцам Чэрвеньшчыны ў цэнтры горада.
Тэрыторыю, размешчаную за будынкамі музея і касцёла, добраўпарадкоўваюць супрацоўнікі аддзелаў райвыканкама, Чэрвеньскага РАНС. Яны карчуюць пні, падразаюць дрэвы, дэмантуюць старое асфальтавае пакрыццё стаянкі. Ім дапамагаюць з тэхнікай і кваліфікаванымі рабочымі ПМК-237, Чэрвеньскага ЖКГ, аўтапарк №20.
Калектыў райпатрэбкааперацыі наводзiц парадак каля забойнага цэха па вуліцы Урыцкага.
У лесапарку і прылеглай да яго тэрыторыі працуюць калектывы Белдзяржстраху, ДТСААФ, падатковай інспекцыі, БТІ, казначэйства, Цэнтра гігіены і эпідэміялогіі, Чэрвенскай школы мастацтваў. На ўездзе па трасе Мар'іна Горка-Чэрвень зладжана працуюць калектывы Чэрвеньскага леспрамгаса і дзіцячага дома-інтэрната.
Прыбіраюць вуліцу Чапаева работнікі ўпраўлення па працы, занятасці і сацабароне райвыканкама.
Наводзяць парадак у раёне аўтавакзала за вытворчымі базамі Чэрвеньскага РЭС і Чэрвеньскага філіяла «Мінаблпаліва» калектывы гэтых прадпрыемстваў, а таксама Чэрвеньскі райаграсэрвіс і раённая інспекцыя прыродных рэсурсаў і аховы навакольнага асяроддзя.
Сёння шмат працоўных калектываў працуюць па вуліцах Нараўлянскай і Перамогі, завулку Ціміразева. Гэта - ПМК-237, упраўлення капітальнага будаўніцтва, архітэктурна-планіровачнага бюро, друкарні, КБО, раённага вузла паштовай сувязі, аддзела статыстыкі, Фонду сацыяльнай абароны насельніцтва, СШ№4 г. Чэрвеня. Яны прыбіраюць тэрыторыю, высякаюць хмызнякі, падразаюць дрэвы ў Моладзежным парку па вуліцы Барыкіна і добраўпарадкоўваюць месца адпачынку каля сажалкі ў раёне гэтай жа вуліцы.
Ва ўсіх кропках горада сёння кіпіць актыўная праца. Дык давайце і ў далейшым усё разам закасаўшы рукавы, наводзіць парадак там, дзе мы ў сілах гэта зрабіць: побач з адміністрацыйным будынкам, у кветніку ўласнага дома, у грамадскіх месцах, якія мы наведваем ў дні святаў і хвіліны адпачынку і, што граху таіць, часта самі ж і пэцкалі. І навядзем парадак так, каб ні ў каго ў гэтым аазісе чысціні і парадку ніколі не паднялася б рука кінуць абгортку ад марожанага. Бо навядзенне парадку на зямлі - гэта цудоўная нагода прадэманстраваць любоў да сваёй малой радзімы. Так зробім ж наш агульны дом больш прыгожым!
Карта сайта