Яе арганізатарам традыцыйна выступае Міністэрства лясной гаспадаркі Рэспублікі Беларусь. Галоўная мэта мерапрыемства - папулярызацыя беражлівых адносін сярод насельніцтва да аднаго з галоўных прыродных рэсурсаў краіны, узмацненне экалагічнай, эканамічнай і сацыяльнай ролі лясоў. У гэтым годзе мерапрыемства прысвечана Году малой радзімы і 75-годдзю вызвалення Беларусі ад нямецка-фашысцкіх захопнікаў.
У мерапрыемстве традыцыйна актыўны ўдзел прымаюць кіраўнікі розных міністэрстваў і ведамстваў, кантралюючых органаў, дэпутацкі корпус.
У Чэрвеньскім раёне да акцыі далучылася Міністэрства антыманапольнага рэгулявання і гандлю на чале з нашым земляком, міністрам Уладзімірам Калтовічам, які працаваў разам з сям'ёй і работнікамі міністэрства ў Валмянскім лясніцтве, а прадстаўнікі Мінскага абласнога камітэта па працы і сацыяльнай абароне высаджвалі саджанцы хвойных парод у Чэрвеньскім лясніцтве.
Карта сайта