Гэта было даволі маштабнае спаборніцтва, сабралася мноства юных змагароў, частка з якіх ужо дасведчаныя ўдзельнікі многіх першынстваў, у тым ліку рэспубліканскіх.
З-за вялікай колькасці спартсменаў сутычкі вяліся адразу на двух дыванах ў спартыўнай зале фізкультурна-аздараўленчага комплексу. Першымі адбароліся дзяўчынкі. Сапраўдны байцоўскі характар паказала Аліна Кавалёнак, якой выпала супрацьстаяць пераможцы рэспубліканскага турніру. Аліна не выйграла, але правяла сутычку вельмі годна, змагалася на высокім узроўні, і гэта таксама своеасаблівая, яе асабістая, перамога.
Выдатна выступілі і іншыя выхаванцы Чэрвенскай СДЮШАР, падапечныя трэнераў Дзяніса Бубенькі і Юрыя Лейкіна: Аліна Мажароўская, Ягор Бубенька, Дзмітрый Лукашук, Яўген Жукаў занялi першыя месцы ў сваіх вагавых катэгорыях; Аліна Тарасік і Анастасія Захарчук сталі другімі; Арцём Глінка, Стас Лапатка, Кірыл Смірноў, Уладзіслаў Ваяводзін, Яўген Гуз і Аліна Кавалёнак падняліся на трэцюю прыступку п'едэстала.
У агульным заліку каманда дзяўчат і каманда юнакоў Чэрвенскай СДЮШАР занялі першыя месцы на абласной спартакіядзе.
Наталля КАРАЛЬКЕВІЧ. Фота аўтара
Карта сайта