На плошчы Свабоды сабраліся прадстаўнікі працоўных калектываў Чэрвеньшчыны. Прыбраныя, усмешлівыя людзі са сцягамі прафсаюзнага руху віталі адзін аднаго, віншуючы са святам міру, дабра, справядлівасці і згуртаванасці.
З плошчы Свабоды ўдзельнікі першамайскага шэсця адправіліся ў раённы Цэнтр культуры і вольнага часу, дзе ўшаноўвалі актывістаў прафсаюзнага руху старэйшага і маладога пакаленняў. З прывітальным словам да членаў прафсаюзаў звярнулася старшыня раённага аб'яднання прафсаюзаў Вольга Коціна.
Граматамі і Падзячнымі лістамі былі адзначаны работнікі прадпрыемстваў, арганізацый і ўстаноў Чэрвеньскага раёна.
Да свята 1 мая ваенны камісарыят Чэрвеньскага і Бярэзінскага раёнаў прымеркаваў ўручэнне позваў на службу ва Ўзброеныя сілы Беларусі чатыром прызыўнікам - лепшым з лепшых, як адзначыў ваенны камісар Дзмітрый Сініцкі.
Галіна Гамеза. Фота аўтара
Карта сайта