Дружная праца кіпела каля помніка воінам-інтэрнацыяналістам. Ветэранская арганізацыя воінаў-афганцаў, супрацоўнікі ваенкамата, аддзела ідэалагічнай работы, культуры і па справах моладзі райвыканкама, РАУС ўладкоўвалі помнік і прылеглую тэрыторыю ўздоўж пешаходнай дарожкі па вуліцы Ленінская. У гэты час міма праязджаў жыхар Червеня Іван Школьнікаў, уладальнік прыватнага прадпрыемства «ЭЛІТ-ВЫГЛЯД». Ён убачыў, як жанчыны рыдлёўкамі разносяць чарназём ля помніка для стварэння клумбы пад кветкі. Па сваёй ініцыятыве Іван Іванавіч вырашыў дапамагчы працуючым, таму ўзяў асабісты экскаватар, раўняў, развозіў зямлю і разам з усімі працаваў на працягу некалькіх гадзін да завяршэння ўсіх работ па добраўпарадкаванні. Прыемна засведчыць такі факт неабыякавасці і чалавечай спагады, які не так часта здараецца ў наш час. Дзякуй!
Галіна Гамеза. Фота Таццяны Марцьянавай.
Карта сайта