Ветэраны Вялікай Айчыннай вайны Акім Цітовіч Якаўлеў, Мікалай Аляксандравіч Лашук, старшыня Савета ветэранаў Іван Фёдаравіч Ладуцька, прадстаўнікі ўлады, ваеннага камісарыята, Саюза моладзі, студэнты будаўнічага ліцэя і навучэнцы сярэдняй школы №3 ўшанавалі памяць жыхароў спаленай ў маi 1944 года вёскі, ўсклалі да абеліска кветкі і вянкі.
- Землi, жыхары Беларусі найбольш моцна пацярпелі падчас Вялікай Айчыннай вайны, - сказала Ала Шахоцька, намеснік старшыні Чэрвеньскага райвыканкама, - Страшную цану заплаціў за перамогу беларускі народ. Жудасная трагедыя адбылася тут, на гэтым месцы ў маі 1944 года. Два месяцы не дажылі да вызвалення мірныя жыхары вёскі Папова града. Фашысты спалілі вёску разам з яе жыхарамі. У агні зажыва згарэлі маленькія дзеці, жанчыны, старыя. Наш абавязак захоўваць памяць аб тых, хто загінуў, добраўпарадкоўваць месцы пахаванняў і рабіць усё, каб такое не паўтарылася. Моладзь павінна быць вартая подзвігу сваіх продкаў.
Галіна Гамеза. Фота аўтара
Карта сайта