Дзяржаўны герб і сцяг з'яўляюцца сімваламі нашай краіны як суверэннай дзяржавы, ўвасабляюць у сабе ідэю нацыянальнага адзінства і незалежнасці.
Жыхароў раёна са святам павіншавалі кіраўніцтва раённага выканаўчага камітэта і раённага Савета дэпутатаў . «Мы з гонарам адзначаем Дзень Дзяржаўнага герба і Дзяржаўнага сцяга Рэспублікі Беларусь як сімвал патрыятычнага аб'яднання грамадзян, імкненне народа жыць у міры і згодзе, годнай працай ствараючы аснову дабрабыту нашай дзяржавы», - гаворыцца ў віншаванні.
Ва ўстановах адукацыі і культуры Чэрвеньскага раёна ў рамках Дня Дзяржаўных сімвалаў краіны прайшлі інфармацыйныя гадзіны, музейныя ўрокі, вусныя часопісы, майстар-класы.
Інфармацыйная гадзіна «Дзяржаўныя сімвалы - нацыянальны гонар», прысвечаная Дню Дзяржаўнага герба і Дзяржаўнага сцяга Рэспублікі Беларусь, адбылася ў сярэдняй школе №4 Чэрвеня. У мерапрыемстве ўдзельнічалі піянеры дружыны імя Г.Ф. Барыкіна, а падрыхтавалі цікавы матэрыял для малодшых таварышаў актывісты валанцёрскага атрада роўнага навучання арганізацыі вучнёўскага самакіравання «Садружнасць» Марына Смецкая і Ілля Жораў.
Хлопцы пазнаёміліся з гісторыяй узнікнення сімвалаў нашай дзяржавы. Вызначылі значэнне знакаў і кветак, якія прадстаўлены на Дзяржаўным гербе і Дзяржаўным сцягу, паразважалі пра ролю і значэнне сімволікі ў жыцці кожнага чалавека і краіны ў цэлым.
Цэнтральная раённая бібліятэка
Смілавіцкі дзяржаўны аграрны каледж
Майстар-клас, Вайнілава
Бібліятэка, аг.Красный Дар
Бібліятэка, Чэрвеньскі будаўнічы ліцэй
Сярэдняя школа №3, г.Чэрвень
Карта сайта