Адказнасць за незаконнае захоўванне вышэйзгаданых прылад здабычы рыбы прадугледжана артыкулам 15.36 Кодэкса Рэспублікі Беларусь аб адміністрацыйных правапарушэннях, і прадугледжвае пакаранне ў выглядзе штрафу ў памеры ад 5 базавых велічынь (127,5 рублёў) да 50 базавых велічынь (1275 рублёў) з канфіскацыяй прадмета адміністрацыйнага правапарушэння або без канфіскацыі.
Разам з тым, па стане на 10.05.2019 толькі 2 жыхара Бярэзінскага раёна, праявіўшы грамадзянскую свядомасць, добраахвотна здалі ў Бярэзінскую міжраённую інспекцыю рыбалоўныя сеткі, агульнай даўжынёй 357 метраў, і былі вызваленыя ад адміністрацыйнай адказнасці .
У той жа час, да адміністрацыйнай адказнасці па ст.15.36 КаАП Рэспублікі Беларусь прыцягнута 6 жыхароў Бярэзінскага раёна, на якіх судом накладзена адміністрацыйнае пакаранне ў выглядзе штрафу ў суме ад 127,5 рублёў да 204 рублёў. У парушальнікаў канфіскаваныя рыбалоўныя сеткі і сеткаматэрыялы агульнай даўжынёй 1 004,5 метра і 5 іншых прылад здабычы рыбы.
У мэтах папярэджання адміністрацыйных правапарушэнняў, зацвярджэння прынцыпаў справядлівасці і гуманізму, пры добраахвотнай здачы фізічнымі асобамі забароненых прылад рыбалоўства існуе магчымасць вызвалення ад адміністрацыйнай адказнасці.
Для добраахвотнай здачы забароненых прылад рыбалоўства грамадзяне могуць звярнуцца ў Бярэзінскую МРІ АЖiРМ па адрасе: г. Беразіно, вул. Мінская, 6а, у працоўны дзень, з 09.00 да 17.00 гадзін, альбо па тэлефоне 8-01715-53138.
Намеснік начальніка Бярэзінскай міжраённай інспекцыі аховы жывёльнага і расліннага свету Д.П.Жукоўскі
13.05.2019
Карта сайта