З пытаннямі і прапановамі старшыні райвыканкама актыўна тэлефанавалі жыхары Мінска, у якіх ёсць дачы ў Чэрвеньскім раёне. У большасці сваёй звароты тычыліся сферы транспартнай і дарожнай гаспадарак, бытавых паслуг. Перагледзець маршрут аўтобусаў, абнавіць расклад на прыпынках, пашырыць асартымент аўтакрам, прагрэйдаваць дарогу - гэтыя тэмы часцей за ўсё падымаліся ў тэлефоннай дыялогу старшыні райвыканкама з жыхарамі раёна і не толькі.
Жыхарку Вялікаполля, у прыватнасці, хвалявала пытанне па зменах у аўтобусным маршруце Чэрвень-Бярозаўка. Жанчына нават гатовая плаціць больш за праезд, калі аўтобус Чэрвень-Бярозаўка, як раней, будзе заходзіць у Вялікаполле. Віталь Мікалаевіч растлумачыў, што тарыфы на перавозку пасажыраў фіксаваныя, і запэўніў, што пытанне па маршрутах будзе прапрацоўвацца.
Звароты, якія паступілі ў ходзе тэлефоннай размовы, былі ўзятыя на кантроль, па іх былі неадкладна дадзены даручэнні.
Карта сайта