Літаральна на працягу тыдня на дарогах Чэрвеньскага раёна адбылося некалькі ДТЗ з удзелам жывёл. Людзі ў цёмны час сутак, рухаючыся на аўтамабілях, сутыкаюцца з пераходзячымi або перабягаючымi дарогу аленямі, казулямі. У выніку пашкоджаныя аўтамабілі, хоць самі вадзіцелі, на шчасце, цудам не пацярпелі.
Просім усіх кіроўцаў звярнуць увагу на тое, што на дарогах, асабліва ў цёмны час сутак, вам могуць сустрэцца дзікія жывёлы. Сутыкненне з імі вельмі небяспечна! Таму будзьце вельмі ўважлівыя і старайцеся не перасоўвацца на максімальнай хуткасці. Гэта ў вашых інтарэсах, таму што страхоўку за машыну ў такіх выпадках выплачваюць толькі па КАСКА. Таксама варта адзначыць, што пры ДТЗ з жывёламі нельга забіраць пацярпелую або забітую жывёлу з месца здарэння, нават дробных, зайца або лісіцу. Гэта пераследуецца Законам.
Калі наезд ўсё-ткі адбыўся, не варта пакідаць месца ДТЗ - бо рана ці позна супрацоўнікі ДАІ зададуць вам пытанне, адкуль пашкоджанні на аўтамабілі. Калі не будзе даведкі аб тым, што машына пашкоджана жывёлам, могуць узнікнуць праблемы з артыкулам «Пакіданне месца ДТЗ». Таму пры ДТЗ з жывёлай неабходна ўключыць аварыйку, паставіць «трохкутнік», паведаміць у міліцыю і не пакідаць месца здарэння.
Калі вы збілі дзiцяня, напрыклад, лася, або дзіка - лепш не чапайце яго і не падыходзьце блізка. Таму што побач можа быць яго маці, якая ў парыве мацярынскага інстынкту, абараняючы нашчадства, можа паводзіць сябе вельмі агрэсіўна і нанесці сур'ёзныя калецтвы.
На выездзе з Чэрвеня па ляденскому кірунку аўтааматары не раз заўважалі дзікіх жывёл на дарозе каля сметніка. Калі едзеце праз гэта месца, таксама будзьце ўважлівыя.
Раённае аддзяленне Беларускага таварыства паляўнічых і рыбаловаў
Карта сайта