Павіншавалі рабят з заканчэннем школы і пажадалі шчаслівай дарослай дарогі адміністрацыя школы, дырэктар, бацькі, святары, праваахоўнікі, першакласнікі. Уся «школьная раць» сабралася на прыгожым вясновым двары: спявалі гімн, выступалі з нумарамі мастацкай самадзейнасці, танцавалі на флэшмобе, запускалі паветраныя шары, абменьваліся падарункамі, захапляліся няўрымслівымi адзінаццацікласнікамi, смяяліся. Трошкі, вядома, было і слёз: усё-такі вельмі кранальны момант.
Няхай толькі такія слёзы будуць у вашым жыцці, сталеючыя любімчыкі! Ваша школа, настаўнікі, бацькі і сябры жадаюць вам поспеху пры паступленні, поспехаў у дасягненні дарослых мэтаў, шчасця на асабістым фронце, моцнага здароўя і ажыццяўлення ўсіх самых лепшых надзей!
Наталля КАРАЛЬКЕВІЧ. Фота аўтара
Карта сайта