Сярод абаронцаў Айчыны ў пагонах нямала нашых землякоў. Адзін з іх - ураджэнец гарадскога пасёлка Смілавічы Ілля Прохарчык. Сёння наш зямляк праходзіць тэрміновую ваенную службу ў роце ганаровай варты. У гэтыя дні наш зямляк не пакідае пляц вайсковай часткі, бо наперадзе - ваенны парад, а ён, можна сказаць, яго «твар». Ілля - удзельнік плацканцэрту, які штогод выклікае захапленне ў гледачоў.
- Заўсёды хацеў служыць у войску і нават уявіць не мог, што выпадзе гонар служыць у гэтым элітным падраздзяленні, - прызнаўся Ілля. -Як высветлілася, «доўг Радзіме», якога цяперашняя моладзь баіцца як агню, не такі ўжо і цяжкі. Я гэта праверыў на сабе і магу з упэўненасцю сказаць, што калі ў роце ганаровай варты пасільныя нагрузкі, то пра іншых спецыяльнасцях я і зусім маўчу.
На днях на пляцы ваеннай камендатуры прайшла чарговая рэпетыцыя парада. Пад пякучым сонцам будучыя ўдзельнікі параду на справе дэманстравалі свае ўнікальныя навыкі ў страявой падрыхтоўцы, радавалі журналістаў вытанчанымі страявымі прыёмамі. Да нашага земляка, вядома ж, увагі было больш чым да каго. Віртуознае валоданне карабінам наўрад ці можа пакінуць каго абыякавым.
- Для кагосьці гэта складана, а каго не, - прызнаўся хлопец. - У некаторых ёсць талент і гэта вельмі добра прыкметна, рухi атрымліваюцца практычна з ходу.
Трэніроўкі на пляцы для роты ганаровай варты - справа звыклая. Штодня пад дажджом, пякучым сонцам ці ў мароз вайскоўцы праводзяць парадку сямі гадзін. Прызнаюцца, што спачатку крыху цяжка але да такога рэжыму вельмі хутка абвыкаеш.
- Дарэчы, такія трэніроўкі - выдатная загартоўка ў будучыні. Я сёння без працы магу прастаяць, праходзіць, прабягаць цэлы дзень і нават практычна не стамлюся. Падобнае, магчыма, паўтораць толькі прафесійныя спартсмены. Я вельмі рады, што пайшоў служыць у войска і тым больш, што патрапіў менавіта ў гэтую вайсковую частку.
Наперадзе ў Іллі Прохарчыка яшчэ мноства трэніровак бо не за гарамі той дзень, калі на нашага земляка будзе глядзець уся краіна. Як прызнаўся Ілля, яго характар не дазволіць яму ўпасці тварам у бруд, таму ён прыкладзе максімум намаганняў, каб выклікаць захапленне ў гледача 3 ліпеня.
Кірыл Клінцэвіч
Карта сайта