Галоўнай тэмай свята стане трохгоддзе малой радзімы. Ён збярэ на сваіх пляцоўках прадстаўнікоў Беларусі, Расіі, Украіны, Эстоніі, Літвы, Латвіі і Польшчы. Дэлегацыі краін-удзельніц прадставяць калектывы народнай творчасці і майстры дэкаратыўна-прыкладнога мастацтва.
Прадпрыемствы сістэмы спажыўкааперацыі падрыхтуюць шырокі асартымент харчовых тавараў. Для таго каб госці і ўдзельнікі «Купалля» адчувалі сябе камфортна, будзе арганізавана не менш за 3 тыс. пасадачных месцаў у аб'ектах грамадскага харчавання. Працягласць гандлёвай экспазіцыі складзе 1,2 км.
Пляцоўка «Творчасць маладых» стане месцам дэманстрацыі спартыўных, творчых, навукова-тэхнічных праграм і дасягненняў моладзі. Тут адбудзецца музычна-гульнявая праграма «Казка пра чароўную кветку», канцэрты маладзёжных творчых калектываў «Пакаленне NEXT» і бардаўскай песні, квэсты. Запланавана работа выставы-кірмашу вырабаў ўстаноў адукацыі і сацыяльнай абароны Магілёўскай вобласці, паказ лепшых узораў дэкаратыўна-прыкладной і тэхнічнай творчасці.
Цікавай абяцае стаць пляцоўка з цыркавымі выступамі. Палёты самалётаў і парашутыстаў прадэманструе Магілёўскі аэраклуб ДТСААФ імя А.М. Кулагіна. Абласны цэнтр фізічнага выхавання і спорту навучэнцаў і студэнтаў арганізуе работу спартыўных пляцовак. Таксама ўсталююць фотозоны, а для маленькіх наведвальнікаў - атракцыёны.
ААТ «Мiнскі трактарны завод» прэзентуе сваю прадукцыю на пляцоўцы «Зроблена ў Беларусi», а булачных-кандытарская кампанія «Дамачай» - на «Каравайнай сялібе». Акрамя таго, на ёй правядуць «Свята квасу» з прэзентацыяй брендового напою свята, распрацаванага па спецыяльнай рэцэптуры.
Падчас фестывалю будуць працаваць павільёны «Кніжны кірмаш» і «Друкарскі двор» з зонамі вытворчасці паперы і друку. Запланаваны прэзентацыі новых кніг і часопісаў, аўтограф-сесіі, конкурсы. На малой сцэне 6 ліпеня адбудзецца ўрачыстае адкрыццё і канцэрты, дзе выступяць творчыя калектывы рэгіёнаў Беларусі і іншых краін - удзельніц свята. У ноч з 6 на 7 ліпеня пройдзе маладзёжная дыскатэка з удзелам айчынных выканаўцаў.
Кульмінацыяй першага дня стане гала-канцэрт «Зроблена ў Беларусі» на галоўнай пляцоўцы і феерверк. 7 ліпеня творчыя пляцоўкі працягнуць працу, а на галоўнай сцэне адбудзецца цырымонія ўшанавання перадавікоў аграпрамысловага комплексу вобласці, а затым выступ народнага артыста Беларусі Анатоля Ярмоленкі і ансамбля «Сябры». Квіткі на канцэрты ўжо паступілі ў продаж. Іх можна набыць у касе Магілёўскай абласной філармоніі і праз інтэрнэт-рэсурс kvitki.by.
Падчас «Купалля» для зручнасці наведвальнікаў усталююць інфармацыйныя тумбы, будуць працаваць валанцёры, уладкуюць камеры захоўвання і пункт абмену валют. Для дастаўкі гасцей і ўдзельнікаў да месца мерапрыемства будзе выбудаваная зручная транспартная лагістыка. Складзены графікі і расклад руху цягнікоў рэгіянальных ліній і аўтамабільнага транспарту. Яны ўвязаны з пачаткам і заканчэннем ўсіх мерапрыемстваў. Для гасцей свята, якія прыбываюць на ўласным транспарце, будуць уладкаваны асвятляныя аўтамабільныя стаянкі. З'явіцца і спецыяльна абсталяваная стаянка для кэмпераў.
Гуляннi традыцыйна пройдуць у маляўнічым месцы на беразе Дняпра, каля моста, які злучае не толькі два населеныя пункты - Александрыю і Копысь, але і дзве вобласці - Магілёўскую і Віцебскую. Чакаецца, што ў гэтым годзе прыгожае беларускае свята наведаюць не менш за 100 тыс. чалавек. Яго арганізатарамі выступаюць Міністэрства культуры Беларусі, Магілёўскі абласны выканаўчы камітэт, Шклоўскі райвыканкам.
Карта сайта