Віктар Васільевіч з цікавасцю наведаў храм Амфілохія Пачаеўскага на тэрыторыі ўстановы, адзначыў выдатнае добраўпарадкаванне тэрыторыі, арганізацыю працы падсобнай гаспадаркі, палюбаваўся на экзатычных птушак - паўлінаў і фазанаў. Яго цікавіў фінансавы бок працы дома-інтэрната, медыцынскае абслугоўванне пражываючых, харчаванне, суправаджаемае пражыванне і іншыя пытанні работы ўстановы.
Віктар Сарачан і Наталля Апостал, дырэктар ТАА «Навукова-вытворчы цэнтр ХIММЕДСIНТЭЗ», якая прыязджала не аднойчы ў дом-інтэрнат у якасці віцэ-прэзідэнта міжнароднага жаночага клуба жонак паслоў, дыпламатаў і замежных прадстаўнікоў у рамках дабрачынных акцый, ад імя Пасольства рэспублікі Малдова прывезлі ў падарунак дому-інтэрнату газонакасілкі, тканіны для майстэрняў, прысмакі, дэзінфікуючыя і мыйныя сродкі.
Як адзначыла Наталля Апостал, калі ў мужа скончылася дыпламатычная кар'ера, вырашылі застацца ў Беларусі. Арганізавалі вытворчасць у Чэрвеньскім раёне. Наталля Аляксандраўна ўдзельнічае ва ўсіх мерапрыемствах амбасады, прадстаўляючы Малдову.
Віктар Сарачан паскардзіўся на тое, што час яго візіту абмежаваны, і выказаў жаданне зноў прыехаць у дом-інтэрнат.
Карта сайта