Гран-пры конкурсу з'ехала ў мястэчка Дружны. Менавіта з Дружненскай школы мастацтваў - юная мастачка Даша ЮЦОВА, чые працы журы прызнала лепшымі ў гэтым годзе. Дыплом за першае месца ў малодшай узроставай групе ўручылі дзяўчынцы з Дзяржынска, Ксеніі БАРАН. У старэйшай групе дыплом першай ступені атрымала выхаванка Стаўбцоўскай школы мастацтваў Паліна КАМЁНКА.
На мерапрыемстве прысутнічаў дэпутат Палаты прадстаўнікоў Нацыянальнага сходу Пётр Атрошчанкаў. Ён прамовіў цёплыя словы ў адрас маладых талентаў, адзначыў, што ўсе работы былі прыгожыя і кожны ўдзельнік ужо пераможца ў тым сэнсе, што гэты конкурс збірае лепшых з лепшых па ўсёй вобласці. Дэпутат ўручыў спецыяльны прыз за вялікі ўклад у выхаванне юных мастакоў выкладчыцы мастацкага аддзялення школы мастацтваў горада Крупкі Галіне Пахомавай.
Чэрвеньшчына была вельмі гасціннай да юных мастакоў. Хлопцы акружылі цяплом і клопатам, пасялілі ва ўтульным і спакойным месцы, смачна кармілі, забаўлялі, ўлічылі ўсе бытавыя патрэбы. На заключнай імпрэзе зладзілі выставу ўсіх работ, запрасілі з канцэртам музыкаў капэлы «Ігуменскiя крыніцы», а таксама юных спевакоў і танцораў Школы мастацтваў. Усе яны падарылі гледачам і ўдзельнікам пленэру незабыўныя прыемныя хвіліны.
Дваццаты фестываль-конкурс «Фарбы роднай зямлі» стаў вяхой у развіцці дзіцячай творчасці, імкненні прышчапіць юнаму пакаленню пачуццё прыгожага, любоў да роднай зямлі і ўменне бачыць яе прыгажосць.
Наталля КАРАЛЬКЕВІЧ. Фота аўтара
Карта сайта