На святочным канцэрце вучні Смілавіцкай дзіцячай школы мастацтваў выступалі для навучэнцаў Мінскага сувораўскага ваеннага вучылішча. У выкананні нашых вучняў прагучалі творы на фартэпіяна, домры, акардэоне. Працягнулі канцэрт: ансамбль скрыпачоў, ансамбль гітарыстаў, вакальны ансамбль школы. Як з чароўнай музычнай скрыначкі гучалі народныя мелодыі, творы Каміля Сен-Санса, Аліка Роўлі, Дзмітрыя Цёмкiна, Аліны Бэзэнсан, Аляксандра Вавілава і, вядома, вялікага нашага земляка Станіслава Манюшкі.
Ніколі яшчэ нашы музыкі не выступалі перад такімі мужнымі, прыгожымі і моцнымі хлопцамі. Трэба сказаць, што вобразныя па змесце творы асабліва кранулі іх сэрца - вочы хлопцаў па-асабліваму блішчалі, калі гучалі творы пра маму, пра дзяцінства, пра сяброўства, пра лета. І, вядома, на памяць атрымалася прыгожае сумеснае фота.
Ірына Цеван, настаўнік Смілавіцкай дзіцячай школы мастацтваў. Фота аўтара
Карта сайта