Старшыня сельскага Савета Елена ЧЫКАНОЎСКАЯ часты госць у дамах аднавяскоўцаў, асабліва пажылых, адзінокіх, якія маюць патрэбу ў дапамозе. Але нягледзячы на тое, што наведваць пажылых людзей для яе звычайная справа, учора яна ўсё-такі хвалявалася, заходзячы ў хату да ветэрана Вялікай Айчыннай вайны, жыхара Чарнаградзі Фадзея Рыгоравіча Гуліча.
Шмат бачылі на сваім вяку яго мудрыя вочы, шмат працы перарабілі старыя натруджаныя рукі. Зацягваецца туманам гадоў старэчая памяць, смугой забыцця пакрываюцца розныя моманты мінулага. Але нават у новым стагоддзі, праз шмат дзесяцігоддзяў, болем і горыччу адклікаецца ўсё перажытае на вайне. Таму з асаблівым хваляваннем ўручыла Галіна Анатольеўна кветкі ветэрану. Хай ён нешматслоўны, хай ужо зусім парадзелі шэрагі такіх, як ён, старых байцоў, выстаўшых перад агнём, але саступіўшых часу і ўзросту... Але пакуль сэрца б'ецца, яно памятае. Любое сэрца, любога з нас.
Наталля КАРАЛЬКЕВІЧ. Фота Елены ЧЫКАНОЎСКАЙ
Карта сайта