Удзельнікі мітынгу прайшлі па мемарыяле, ўсклалі кветкі да кожнай «хаты». Ля помніка загінулым жыхарам Іван Ладуцька звярнуўся да прысутных са словамі аб тым, што ў нашай краіне свята шануюць памяць аб тых, хто цаной свайго жыцця заваяваў нам шчаслівае мірнае жыццё, і тых, хто стаў ахвярай фашыстаў. Кожны год тут, на Паповай градзе праводзяцца мітынгі ў Дзень Перамогі, у Дзень памяці і смутку і ў дзень вызвалення Беларусі. За сувязь з партызанамі 55 жыхароў вёскі - старых, жанчын і дзяцей - было спалена гітлераўскімі захопнікамі. Пасля вайны вёска не адрадзілася. На яе месцы узведзены мемарыяльны комплекс.
Хвілінай маўчання ўдзельнікі мітынгу ўшанавалі памяць загінуўшых мірных жыхароў. Да падножжа помніка ўсклалі вянкі і кветкі ад раённага выканаўчага камітэта, раённага Савета дэпутатаў, савета ветэранаў, сілавых структур Чэрвеньскага раёна.
Карта сайта