Дваццаць рабят працавалі на працягу ўсёй змены ў аддзеле селекцыі Мінскай абласной сельскагаспадарчай доследнай станцыі Нацыянальнай акадэміі навук Беларусі. Перад пачаткам працоўных будняў для нас правялі экскурсію, распавялі і паказалі, чым займаецца доследная станцыя.
Кожны дзень у лагеры быў прысвечаны пэўнай тэматыцы, нас чакалі конкурсы, турніры, акцыі, экскурсіі і спартыўныя мерапрыемствы.
Для ўдзелу ў спаборніцтвах і каб было больш стымулаў добра працаваць, мы падзяліліся на дзве каманды: «Тэлетрудзiкi» і «Сельсавет». Гэта заўсёды нас ппадбівала.
Мы не толькі ўдзельнічалі ў розных мерапрыемствах самі, але падрыхтавалі і правялі гульню па станцыях «Дружба народаў» для малодшых дзяцей. Так што магу сказаць, што мы праводзілі час не толькі з карысцю, але і цікава, і весела. Калі дзеці і падлеткі чымсьці захопленыя карысным, у іх няма ні часу, ні цікавасці да ўсякіх сумніўных захапленняў і прыхільнасцей.
За васемнаццаць дзён мы змаглі зарабіць свае першыя грошы і атрымаць масу станоўчых эмоцый.
Данііл Табалевіч, выхаванец лагера працы і адпачынку «Шквал» СШ №4.
Фота аўтара
Карта сайта