Не сакрэт, што падчас правядзення 2-х Еўрапейскіх гульняў і пасля іх часам чуліся выказванні абывацеляў, што такія мерапрыемствы занадта дарогі для нашай краіны і не прыносяць народу ніякай карысці. Таццяна Іосіфаўна патлумачыла, што на самой справе важнасць Еўрапейскіх гульняў для Беларусі велізарная!
Па-першае, гэта павышае прэстыж краіны на сусветнай арэне. Гульні прыцягнулі станоўчую ўвагу да Беларусі, паказалі яе вялікія здольнасці і магчымасці.
Па-другое, усё, што зроблена да Гульняю, застанецца беларусам на будучыню. Гэта і пабудаваныя або адрамантаваныя дарогі, рэканструяваныя аўтапаркі, гасцініцы і інтэрнаты, стадыёны, спортпляцоўкі, іншыя грамадскія аб'екты. Павялічаная пры правядзенні Гульняў прапускная здольнасць аэрапорта і мытных пунктаў дапаможа павелічэнню колькасці турыстаў.
Па-трэцяе, Еўрапейскія гульні зрабілі выдатную рэкламу спорту і здароваму ладу жыцця. А спорт, у сваю чаргу - важны складнік здароўя нацыі. Сёння ім займаюцца больш за 22 адсоткi насельніцтва краіны, расце колькасць людзей, якія імкнуцца да здаровага ладу жыцця. Спорт аб'ядноўвае пакаленні і умацоўвае сям'ю. «Менавіта на такіх сем'ях трымаецца краіна», - адзначыла Таццяна Іосіфаўна. Яна прывяла словы Прэзідэнта Лукашэнкі аб тым, што было б выдатна, калі б краіны вырашалі праблемы паміж сабой не зброяй, а на спартыўнай арэне.
Ішла размова на дне інфармавання і аб пажарнай бяспецы. У бягучым годзе дзякуючы актыўнай прафілактычнай рабоце розных службаў колькасць загінулых на пажарах паменшылася з 78 да 55 чалавек. Але складана лічыць поспехам такі факт, бо чыесьці жыцця ўсё-ткі скончыліся. Таму Таццяна Дарашкевіч заклікае кожнага грамадзяніна да асабістай пільнасці і адказнасці. Неабходна ў першую чаргу кантраляваць свой дом, сваіх блізкіх, а таксама пенсіянераў, адзінокіх, інвалідаў і праблемныя сем'і. Вялікую ролю ў папярэджанні пажараў граюць назіральныя групы, прафілактычная праца самога МНС і сродкаў масавай інфармацыі.
Таццяна Іосіфаўна засяродзіла ўвагу ўдзельнікаў сустрэчы на тым, што пільнасць патрэбна не толькі ў жылым сектары, але і ў лясах, таму што ва ўсім свеце сапраўдным бедствам для экасістэм, а значыць, і для чалавецтва, непарыўна з імі звязанага, з'яўляюцца лясныя пажары.
Наталля КАРАЛЬКЕВІЧ. Фота аўтара
Карта сайта