У рамках рэспубліканскай акцыі «Канікулы без дыму і агню» ратавальнікі наведалі дзіцячыя сады № 3 і № 6 г. Чэрвеня. Разам з вясёлымі героямі з мультфільма «Чароўная кніга» працаўнікі «службы 101» правялі ўрок бяспекі, на якім дашкаляты паўтарылі правілы бяспекі пры наведванні лясоў і вадаёмаў, а таксама даведаліся, якія месцы небяспечныя для гульняў, што рабіць, калі навальніца заспела цябе знянацку і як паводзіць сябе, калі ўсё ж такі трапіў у надзвычайную сітуацыю. Кожны ўдзельнік мерапрыемства вывучыў алгарытм дзеянняў у выпадку ўзнікнення пажару, а таксама навучыўся выклікаць службу выратавання.
Пасля заканчэння мерапрыемства маленькія ўдзельнікі акцыі атрымалі памяткі, у якіх з дапамогай маляўнічых і зразумелых ілюстрацый тлумачацца правілы бяспекі жыццядзейнасці.
Карта сайта