Так была праведзена праверка ТАА «Афарбавана» і ТАА «Брыкетэнерга». На абодвух прадпрыемствах ёсць парушэнні заканадаўства ў галіне пажарнай бяспекі, а менавіта:
- тэрыторыі прадпрыемстваў не ачышчаны ад гаручага смецця, што ў выпадку ўзнікнення пажару можа пацягнуць распаўсюд агню на суседнія будынкі;
- у ТАА «Афарбавана» планы эвакуацыі і інструкцыя па пажарнай бяспецы не адпавядаюць патрабаванням дзеючага заканадаўства, на дзвярах складскіх і вытворчых памяшканняў размешчаны знакі катэгорый па выбухапажарнай небяспецы не адпаведныя колькасці захоўваемых там матэрыялаў, а сістэма пажарнай сігналізацыі, пажаратушэння і абвесткі людзей на пажары знаходзіцца ў няспраўным стане. Дадзеныя факты, у выпадку ўзнікнення пажару, не дазволяць яго своечасова выявіць і бяспечна правесці эвакуацыю людзей, што можа пацягнуць за сабой не толькі матэрыяльны ўрон.
- у ТАА «Брыкетэнерга» будынак склада не ў поўнай меры забяспечана першаснымі сродкамі пажаратушэння і для яго не вызначана катэгорыя па выбухапажарнай небяспецы.
Iнспектарамi дзяржаўнага пажарнага нагляду Чэрвеньскага РАНС таксама былі праведзены маніторынгі ТАА «Белстройдомдрэў» і ТАА «Белтэхнадраўсервіс»:
- работнікі абедзвюх арганізацый не прайшлі спецыяльную падрыхтоўку па праграме пажарна-тэхнічнага мінімуму;
- на аб'ектах не арганізавана ўборка тэрыторый і будынкаў ад гаручых адходаў і пылу, а таксама не арганізавана рэгулярная ачыстка памяшканняў, у якiх утвараюцца гаручыя пыл і яго адклады, што пры аварыйным рэжыме працы абсталявання і іншай пазаштатнай сітуацыі можа пацягнуць узнікненне выбуху з наступным гарэннем;
- памяшканні аб'ектаў не ў поўнай меры забяспечаны першаснымі сродкамі пажаратушэння, а наяўныя вогнетушыцелі яшчэ і не перазаражаны;
- для будынкаў, складскіх і вытворчых памяшканняў не вызначаны катэгорыі па выбухапажарнай і пажарнай небяспецы;
- наяўныя сушыльныя камеры лесаматэрыялаў не абсталяваны аўтаматычнай устаноўкай пажаратушэння, якая пры ўзнікненні гарэння не дазваляе агню распаўсюдзяцца ў суседнія памяшканні;
- вытворчыя будынкі арганізацый не абсталяваны сістэмай пажарнай сігналізацыі і сістэмай абвесткі людзей аб пажары. Наяўнасць гэтых установак дазваляе на ранніх стадыях выявіць загаранне і без панікі пакінуць будынак, і выклікаць пажарныя падраздзяленнi.
Па выніках наглядных мерапрыемстваў кіраўнікам арганізацый былі накіраваныя дакументы па ліквідацыі выяўленых парушэнняў. МНС нагадвае: за парушэнне правілаў пажарнай бяспекі прадугледжана адміністрацыйная адказнасць па артыкуле 23.56 КаАП Рэспублікі Беларусь.
Карта сайта