Для ацэнкі якасці дзяржаўных паслуг выкарыстоўваецца такі паказчык, як доля працаўладкаваных у агульнай колькасці атрымаўшых дзяржаўную паслугу. Па дадзеных прымянення методыкі за першае паўгоддзе 2019 года ў Мінскай вобласці ў Чэрвеньскім раёне адзначаецца найбольш даступнае і якаснае аказанне паслуг у галіне садзейнічання занятасці. За шэсць месяцаў гэтага года сектар занятасці ўпраўлення па працы, занятасцi i сацыяльнай абароне насельніцтва райвыканкама працаўладкаваў 200 чалавек.
У першым паўгоддзі ў нашым раёне за дзяржаўнай паслугай у галіне садзейнічання занятасці звярнулася ў службу занятасці:
-па садзейнічанню ў пошуках працы - 302 чалавекі;
-па сацыяльнай адаптацыі грамадзян на рынку працы было ўладкована 2 чалавекі;
-па прафесійнай падрыхтоўцы - накіравана на перанавучанне 25 чалавек;
-па садзейнічанню самазанятасці - выдадзена 8 субсідый на арганізацыю ўласнай справы;
-па арганізацыі часовага працаўладкавання непаўналетніх - 80 чалавек;
-па садзейнічанню грамадзянам у пераездзе на іншае месца жыхарства - 1 сям'я;
-па арганізацыі правядзення аплатных грамадскіх работ - 128 чалавек.
Аб арганізацыі грамадскіх аплатных работ папрасілі расказаць намесніка начальніка ўпраўлення па працы, занятасцi i сацыяльнай абароны райвыканкама, загадчыка сектара занятасці насельніцтва Алену Забаўскую.
-Не ў кожным раёне Мінскай вобласці арганізаваны аплатныя грамадскія работы праз сектары занятасці, як дапамога розным катэгорыям грамадзян у набыцці асноўнай або дадатковай крыніцы даходу, - патлумачыла Алена Валянцінаўна, - Нам удалося заключыць дамову аб супрацоўніцтве з сялянска-фермерскай гаспадаркай «АграЛайнПлюс», размешчанай у в. Вызваленне Смалявіцкага раёна. Сезонныя працы пачынаюцца ў красавіку і заканчваюцца ў лістападзе. Спецыялізуецца «АграЛайнПлюс» на вырошчванні гародніны: морквы, буракоў, капусты, шынкоў, памідораў, агуркоў, цыбулі і сталовай зеляніны. Плошчы пад гэтыя культуры адпушчаныя ў гаспадарцы вялікія, патрабуецца работнікаў шмат. Штодня ў 7.00 (акрамя нядзелі) накіроўваем ад будынка службы занятасці (пл.Свабоды, 5) аўтобусам ад 25 да 35 чалавек. Аўтатранспартныя паслугі аплачвае бюджэт праз упраўлення па працы, занятасцi i сацыяльнай абароне. Так дзяржава дае магчымасць часовай, пастаяннай, частковай падпрацоўкi усім жадаючым працаздольным грамадзянам. У бядзе і галечы нікога не пакінем. Ёсць сілы - ідзі працуй, забяспечвай вартае існаваньне сабе і членам сваёй сям'і.
Васьмігадзінны працоўны дзень. Разлік гаспадарка вырабляе ў канцы кожнага дня. У залежнасці ад выпрацоўкі, заробак складае ад 20 да 40 рублёў у дзень. Па выніку месяца лепшых прэміруюць. Магчымы разлік прадукцыяй. На тэрыторыі гаспадаркі маецца сталовая, дзе можна атрымаць паўнавартасны абед коштам 2,5 рубля. Удзельнічаць у грамадскіх працах можа любы грамадзянін (працуючая, пенсіянеры, жанчыны, якія ажыццяўляюць догляд за дзіцём).
Запісала Галіна Гамеза. Фота аўтара
Карта сайта