У канцы 9-га класа вырашыла паспрабаваць паступіць. Сярод розных навучальных устаноў натыкнулася на кадэцкае вучылішча. Знаёмы хлопец, які вучыўся там, распавёў усе нюансы паступлення, і... Карына добра здала экзамены і была залічана! Праз год, пасля заканчэння кадэцкага вучылішча, будзе паступаць у Акадэмію МУС.
Ілля Берасневіч - кадэт-нашчадкавы вайсковец. У Іллі ў сям'і набярэцца цэлае аддзяленне вайскоўцаў: дзядуля, тата, брат. Нікога не здзівіла, што сямейную традыцыю вырашыў працягнуць і Ілля. Як і Карына, Ілля ганарыцца тым, што ён кадэт. Хлопец мараць, каб такіх, як яны, у Чэрвені было пабольш.
Вячаслаў Дзергачоў - кадэт-суворавец. Аднойчы дома сядзеў у інтэрнэце і ўбачыў навіну аб тым, што ў Сувораўскім праходзіць дзень адчыненых дзвярэй. Зацікавіўся і сказаў бацькам. Так і вырашылі, што будзе сувораўцам. Вучыцца Славе падабаецца, ён ужо падумвае аб далейшай афіцэрскай кар'еры. Пасля заканчэння СВУ звання не прысвойваюць, але можна без уступных экзаменаў паступаць у любыя ваенныя ўстановы РБ. Слава будзе паступаць у Ваенную акадэмію.
У час канікул хлопцы не былі ў баку ад спраў: удзельнічалі ў дабрачынным канцэрце для збору сродкаў на помнік афганцам, працуюць, дапамагаюць бацькам.
Калі нават яны перадумаюць з выбарам і не стануць афіцэрамі, то добры ўнутраны стрыжань ў іх ужо ёсць, якую б яны прафесію не абралі ў жыцці.
Наталля КАРАЛЬКЕВІЧ. Фота аўтара
Карта сайта