У гэтым годзе прадстаўніком Чэрвеньшчыны быў першы сакратар райкама БРСМ Павел Клындзюк. Таксама ў фестывалі ўдзельнічалі яшчэ двое Чэрвеньскага хлопцаў, Вячаслаў Клімковіч і Яўген Пікулік.
Як распавёў Павел Клындзюк, яму выпаў гонар удзельнічаць у цырымоніі ўзняцці сцяга фестывалю на адкрыцці лагера і ва ўскладанні вянка да помніка загінулым у Вялікай Айчыннай вайне ў рамках акцыі «Беларусь памятае!»
Так як Павел спартсмен, то, вядома ж, ён з задавальненнем запісаўся ва ўдзельнікі забегу «Супергероі». Беглі паўтара кіламетра, для Паўла, які бегае паўмарафон, гэта была «дзіцячая» дыстанцыя. Наш маладзёжны лідэр паказаў добры вынік.
Але самым вялікім дасягненнем на фестывалі ён лічыць тое, што пазнаёміўся з многімі ўдзельнікамі, даведаўся шмат пра жыццё моладзі ў суседніх краінах і аб метадах патрыятычнай і выхаваўчай работы з падрастаючым пакаленнем.
Пра эмоцыях, атрыманых на фестывалі, усе трое нашых хлопцаў выказаліся коратка, але усёабдымна: «Гэта было феерычна!!!»
Наталля КАРАЛЬКЕВІЧ. Здымкі Паўла КЛЫНДЗЮКА
Карта сайта