Прадстаўнікі назіральнай камісіі абавязкова прысутнічаюць пры разглядзе судом Чэрвеньскага раёна пытанняў аб умоўна-датэрміновым вызваленні асуджаных ад пакарання, аб замене асуджанаму неадбытай часткі пакарання больш мяккім, аб вызваленні ад прызначанага і дадатковага пакарання, аб вызваленні ад пакарання. У першым паўгоддзі прадстаўнікі камісіі ўдзельнічалі ў 24 судовых пасяджэннях, былі заслуханы справы 21 грамадзяніна аб замене пакарання больш мяккім.
За студзень-чэрвень 2019 года з месцаў пазбаўлення волі (МЛС) вярнуліся 29 чалавек. З іх мела патрэбу ў працаўладкаванні 18 чалавек, 13 аказана дапамога ў працаўладкаванні праз сектар занятасці ўпраўлення па працы, занятасцi i сацыяльнай абароне. Два чалавекі змешчаныя ў дом начнога знаходжання (пакой у інтэрнаце, што знаходзіцца ў вядзеньні УП «Чэрвеньскага ЖКГ»).
У 2019 годзе доля асоб, паўторна ўчыніўшых злачынствы пры наяўнасці нязнятай або непагашанай судзімасці, склала 55,7% ад усяго ўзроўню злачынстваў, што на 7,6% менш, чым у 2018 годзе. Гэта паказвае на тое, што выкананая сістэмная праца па праверцы падсправаздачных грамадзян і прымаемыя меры далі магчымасць стабілізаваць абстаноўку з рэцыдыўнай злачыннасцю.
З мэтай працаўладкавання грамадзян, якія вярнуліся з месцаў пазбаўлення волі, у сакавіку і чэрвені былі арганізаваны «Кірмашы вакансій». У сакавіку - у Валевацкім сельвыканкаме, прынялі ўдзел 14 асоб, якія маюць судзімасць і якія пражываюць на тэрыторыі Валевацкага сельсавета. У чэрвені - на базе прадпрыемства «Чэрвеньскі райаграсэрвіс», прынялі ўдзел 19 грамадзян, якія маюць судзімасць і якія пражываюць на тэрыторыі Чэрвеньскага сельсавета.
Для забеспячэння дадатковых гарантый і з мэтай павышэння канкурэнтаздольнасці на рынку працы і сацыялізацыі грамадзян, вызваленых з месцаў пазбаўлення волі, прынята рашэнне райвыканкама «Аб устанаўленні броні для прыёму на працу асобных катэгорый грамадзян на 2019 г.». Згодна з гэтым рашэннем у 49 арганізацыях і ўстановах раёна забраніравана 236 працоўных месцаў, з іх 43 - для асоб, вызваленых з месцаў пазбаўлення волі, 111 працоўных месцаў - для бацькоў, абавязаных кампенсаваць расходы, затрачаныя дзяржавай на ўтрыманне дзяцей, якія знаходзяцца на дзяржаўным забеспячэнні, і накіраваныя па судовай пастанове. Пры распрацоўцы браніравання ўлічвалася колькасць працуючых у арганізацыях раёна і банк даных беспрацоўных з ліку грамадзян, якія асабліва маюць патрэбу ў сацыяльнай абароне і не можа на роўных умовах канкурыраваць на рынку працы.
Галіна Гамеза
Карта сайта