Як распавяла «Раённаму весніку» загадчыца аддзела бібліятэчнага маркетынгу Чэрвенскай цэнтральнай раённай бібліятэкі Галіна Ніціеўская, у рамках праграмы дзеці не толькі чытаюць кнігі, газеты, часопісы, але і асвойваюць тэхніку пляцення з пацерак, шыюць мяшэчкі для лекавых раслін, робяць вазы для кветак з дэкаратыўнага бетону, малююць герояў народных казак.
Юныя наведвальнікі бібліятэкі таксама з цікавасцю ўдзельнічаюць у экскурсіях на прыроду, гульнях і конкурсах, прысвечаных чытанню.
У чытальнай зале штодня працуе салон «Маленькая фея». Яго «гаспадыня» Алена Гурэнчык робіць дзяўчынкам арыгінальныя прычоскі, вучыць іх заплятаць касічкі самастойна.
Ігар Адамовіч
Карта сайта