Не першы год крочыць па нашым раёне культурнае мерапрыемства - Свята вёскі. У мінулую суботу зазірнула яно ў Петравінку і Убель Кліноцкага сельсавета. Свята гэтыя дзве вёсачкі адзначалі разам, таму што з даўніх часоў цесна прымыкаюць яны адна да адной, літаральна зліўшыся ў адно паселішча на беразе прыгожай ракі Волма. Сёння тут зарэгістравана 80 гаспадарак, пастаянна пражывае 133 человека. Но ўсё большую цікавасць праяўляюць да гэтых месцаў гарадскія жыхары. Прыцягваюць іх маляўнічыя месцы, блізкая знаходжанне да сталіцы, зручны графік аўтобусаў і маршрутак, якія падвозяць жыхароў ад хаты да станцыі метро «Магілеўская» Мiнска. Сцэнар Свята вёскі - тыпавы па структуры: аднавяскоўцы ўшаноўвалі доўгажыхароў, перадавікоў вытворчасці з шматгадовым стажам працы, віталі самых маленькіх, шматдзетныя сем'і, вясельных юбіляраў, гаспадароў самага прыгожага прысядзібнага ўчастка. Але пры першай падобнасці, усё ж у кожным населеным пункце, дзе праходзіць Свята вёскі, адчуваеш самабытнасць, асаблівы дух мясцовага каларыту. Свята вёскі - цудоўная нагода сустрэцца з землякамі па добрай, а не сумнай прычыне. Прыязджаюць у родныя мясціны дзеці, унукі, праўнукі тых, хто даў жыццё іх роду на Чэрвенскай зямлі.
У суботу ў Петравінцы на святочнай пляцоўцы было ўсё, што традыцыйна бывае на свяце гандаль, шашлыкі, салодкая вата, надзіманыя горкі і іншае. Танцавалі, спявалі, абдымаліся з даўнімі знаёмымі, ўспаміналі дзяцінства і юнацтва. Асабліва шматлюдна было каля кацялка з юшкай. Рыбгас «Волма» бясплатна частаваў усіх жадаючых. І хоць на беразе Волмы, мабыць, кожны можа прыгатаваць рыбны суп сам, але да майстра-кухара Тамары Лычкоўскай з'явілася чарга. Смачна гатаваць яна навучылася ў мамы, якая таксама працавала поварам у рыбгасе.
Выдатны канцэрт падрыхтавалі Анатоль Кеда, мясцовы народны калектыў народнай песні «Азяраначка» і ўдзельнікі групы «Крынічанька» Руденского Дома культуры Пухавіцкага раёна.
Галіна Гамеза. Фота аўтара
Карта сайта