Акцыю праводзяць: суб'екты прафілактыкі, грамадскія і рэлігійныя арганізацыі. Каардынацыю дзеянняў па яе арганізацыі і правядзенні ажыццяўляе камісія па справах непаўналетніх Чэрвеньскага райвыканкама.
Створаны міжведамасныя групы для правядзення абследавання жыллёва-бытавых умоў сем'яў, дзеці ў якіх знаходзяцца ў сацыяльна-небяспечным становішчы і сем'яў, з якімі інспекцыі па справах непаўналетніх праводзяць iндывiдуальную прафiлактычную работу.
На першым этапе правядзення акцыі (з 19.08.2019 – 01.09.2019) будуць абследаваны ўмовы жыцця і выхавання дзяцей у шматдзетных сем'ях з вызначэннем ступені гатоўнасці дзяцей да новага навучальнага года. А таксама - умовы жыцця і выхавання дзяцей, якія пражываюць у сваякоў. Будзе вывучана ступень удзелу бацькоў у змесце і выхаванні дзяцей, працэсе падрыхтоўкі іх да школы.
Для вырашэння праблемных пытанняў будуць прыцягвацца прадпрыемствы, прафсаюзныя арганізацыі, індывідуальныя прадпрымальнікі, валанцёрская дапамога, дабрачыннасць грамадзян.
Другі этап акцыі (01.09.2019 – 02.10.2019) прадугледжвае выяўленне непаўналетніх, якія не вучацца, не працуюць, і вызначэнне іх у адукацыйныя ўстановы або аказанне дапамогі ў працаўладкаванні.
На дадзеным этапе будуць праведзены рэйды па выяўленні безнаглядных дзяцей і дзяцей, якія не пачалі вучэбных заняткаў, выяўленне дзяцей, якія знаходзяцца на выхаванні асоб, якія не з'яўляюцца іх бацькамі або апекунамі (папячыцелямі).
Планам правядзення акцыі прадугледжана таксама вывучэнне дасугавай занятасці дзяцей і падлеткаў, з якімі ІСН праводзіць індывідуальную прафілактычную працу, для прыцягнення іх у спартыўныя секцыі, творчыя аб'яднання ўстаноў дадатковай адукацыі.
Будзе вывучана таксама жыццеўладкаванне выпускнікоў ліцэяў і каледжа, якія з'яўляюцца сіротамі.
Для ўсіх жадаючых дапамагчы сабраць у школу дзяцей, якія апынуліся ў цяжкай жыццёвай сітуацыі, арганізаваны і працуе пункт па зборы адзення, абутку, школьных прылад у кабінеце №96, 4-й паверх, будынак Чэрвеньскага райвыканкама (раённы камітэт БРСМ ).
Наталля Сцяжко, намеснік старшыні камісіі па справах непаўналетніх Чэрвеньскага райвыканкама
Карта сайта