Кіроўца гаспадаркі ААТ «Раванічы» Андрэй Гоман на перавозцы збожжа ад камбайнаў дасягнуў адзнакі 2 000 тон. Першы і пакуль адзіны ў раёне перадавік - «двухтысячнік».
Старэйшы камбайнер гэтай гаспадаркі Сяргей Шышонак «узяў» у гэтыя дні сваю «тысячу». Такой жа адзнакі - «тысяча» - дасягнуў кіроўца ГП «Ганута-агра» Генадзь Міцкевіч.
Павіншаваць перадавікоў прама на поле прыехала старшыня райкама прафсаюзаў аграпрамысловага комплексу Ларыса Яфіменка. Яна ўручыла працаўнікам жніва Лісты падзякі ад упраўлення сельскай гаспадаркі і харчавання і райкама прафсаюзаў, а таксама каштоўныя падарункі. Павіншаваць землякоў прыехалі спецыяліст па ідэалагічнай працы ААТ «Раванічы» Тамара Цітавец і самадзейныя артысты Раваніцкага сельскага Дома культуры пад кіраўніцтвам Рыгора Ладуцькi.
Галіна Гамеза. Фота аўтара
Карта сайта