Расказвае кіраўнік ансамбля Андрэй ХУРСЕВИЧ:
«Калі нам даслалі запрашэнне, я разумеў, што гэта будзе нялёгкая паездка: прыехалі, выступілі і ў той жа дзень дадому. Але адмовіць Надзеі ў просьбе з'ездзіць на яе радзіму, тым больш у гэты значны год для краіны - Год малой радзімы, - я не мог. Мы селі ў машыну і адправіліся на свята. Нас цёпла і гасцінна сустрэў старшыня Хатыніцкага сельвыканкама Генадзь Аляксандравіч ПЕРАШЧУК. Мы заўсёды выступаем ад душы, але тут, здаецца, выклаліся нават больш, чым на сто адсоткаў! Вельмі хацелася парадаваць Надзіных землякоў. І нам гэта ўдалося!
Было вельмі прыемна павіншаваць усіх жыхароў гэтага надзвычайнага кутка нашай радзімы. Мы ім прывезлі з нашай гасціннай Чэрвеньшчыны каравай ўраджаю 2019 года, а ў адказ атрымалі цэлую скрыню свежасабраных лісічак з рук кіраўніцтва сельвыканкама! Генадзь Аляксандравіч сказаў, што спадзяецца на далейшае супрацоўніцтва і будзе заўсёды рады бачыць нас у сябе ў гасцях».
З падзячнага ліста Генадзя ПЕРАШЧУКА:
«18 жніўня ў вёсцы Хатынічы Ганцавіцкага раёна Брэсцкай вобласці праходзіла свята вёскі «Мой любы край». Быў запрошаны і вакальны ансамбль «Салавейка» Чэрвеньскага раённага цэнтра культуры і вольнага часу. Выступленне калектыву стала яркім і незабыўным падзеяй для жыхароў вёскі. Чэрвеньскія артысты паказалі высокі мастацкі ўзровень і выканальніцкае майстэрства. Ад імя Хатыніцкага сельвыканкама прыміце словы падзякі і ўдзячнасці!»
Генадзь ПЕРАШЧУК выказаў надзею, што сяброўскія і творчыя сувязі паміж Чэрвенем і Хатынічамi будуць расці і мацнець. Ён пажадаў усім удзельнікам мастацкай самадзейнасці нашага горада моцнага здароўя, шчасця, міру і дабрабыту.
Наталля КАРАЛЬКЕВІЧ. Фота Андрэя ХУРСЕВІЧА
Карта сайта