Вялікай праблемай для работнікаў лясной гаспадаркі з'яўляецца захламленасць лясоў. Несанкцыянаваныя звалкі ўздоўж узлескаў лесу , якія прымыкаюць да лясных дарог, смецце на лясных палянах і берагах лясных азёр - гэта тыя фактары, якія, на жаль, сталі ўжо амаль звыклай часткай навакольнага пейзажу. Бытавое і будаўнічае смецце нашы людзі ўпарта, бессаромна і безадказна выносяць, вывозяць у лес. Усё гэта работнікам лесу прыходзіцца прыбіраць і, натуральна, караць парушальнікаў. Але перш іх трэба знайсці, зафіксаваць на месте. Да ведама грамадзян: згодна з артыкулам 15.30 Кодэкса Рэспублікі Беларусь аб адміністрацыйных правапарушэннях за забруджванне лесу і іншай драўняна-хмызняковай расліннасці прадугледжаны штраф у памеры да 20 базавых велічынь (у выпадку паўтору на працягу года, справа можа дайсці да крымінальнай адказнасці).
Тыя ж дзеянні, што выконваюцца індывідуальнымі прадпрымальнікамі, караюцца штрафам у памеры да 50 базавых велічынь , юрыдычнымі асобамі - да 300 базавых велічынь. Ніяк не могуць зразумець нядобрасумленныя грамадзяне, што, засмечваючы лесу, тым самым мы наносім велізарную шкоду экалогіі, а значыць, асабістаму здароўю, і сваімі ж рукамі адымаем ў будучых пакаленняў магчымасць нармальна жыць - піць чыстую ваду, дыхаць свежым паветрам, збіраць дары лесу.
Просім неабыякавых грамадзян: калі вы сталі сведкам выкіду смецця ў лясным фондзе - паведаміце ў аддзел лясной гаспадаркі лясгаса па тэлефоне 8 01714 2 81 14 або ў бліжэйшы лясніцтва.
Жанна Черновец, намеснік дырэктара па ідэалагічнай працы ДЛГУ «Чэрвеньскі лясгас».
Карта сайта