Як у і папярэднія гады попытам карыстаюцца памідоры, якімі гандлююць дзяўчаты з вёскі Красны Дар. Да іх прылаўка кожныя выхадныя выбудоўваецца чарга.
Памідоры, перцы, бульбу цыбулю, капусту, баклажаны можна купіць і ў нашых пастаянных заезджых прадаўцоў сельгаспрадукцыі з Століна. Цэны на ўсю сельгаспрадукцыю ў розных прадаўцоў прыблізна аднолькавыя.
Тут можна купіць і прывазную садавіну: вінаград, персікі, кавуны і дыні.
Хтосьці купляе банкі і вечкі для закатак, хтосьці - дэкаратыўныя расліны і кветкі для азелянення прысядзібных участкаў.
У памяшканні рынка - у продажы мяса. Цэны на яго практычна такія ж, як і ў крамах.
Прывозяць на рынак пасцельныя прыналежнасці нашы суседзі з Беразіно. Як заўсёды - прапануецца адзенне і абутак.
Напярэдадні 1 верасня на рынку шматлюдна: усё ж тут можна набыць рэчы танней і патаргавацца...
Таццяна Марцьянава. Фота аўтара
Карта сайта