Людзі звярнуліся ў райвыканкам. Там адгукнуліся адразу і падсыпалі вуліцу дарожна-гравійнай сумессю. Здавалася б, праблема вырашана. Ды не тут-та было: новая хваля дажджоў зноў змыла ў канаву тое, што было насыпана. Лавіна вады падчас дажджоў ідзе з вуліцы Ленінскай, дзе няма ліўневай каналізацыі на праезнай частцы, і вада адтуль знаходзіць выхад на вуліцу Караленка, якая, пачынаючы з Ленінскай, ідзе ўніз пад ўхіл.
Па вуліцы раней была выкапана канава для сцёку вады, ля пад'ездаў да дамоў і цяпер ёсць трубы. Але ўсё гэта зарасло травой. Жыхары вуліцы вырашылі самі, хоць неяк змяніць сітуацыю: дружна ўзяўшыся за рыдлёўкі, выйшлі ачысціць гэты роў. Гэта на нейкі час пазбавіць праезную частку ад вады, хоць яна мае патрэбу ў капітальным рамонце...
Таццяна Марцьянава. Фота аўтара
Карта сайта