Акрамя ўсяго іншага, трэба было яшчэ і выставіць ўласную каманду. Бо падрыхтоўка мерапрыемства не вызваляе ад удзелу ў ім! Вядома ж, райкам БРСМ не змог бы справіцца без дапамогі шматлікіх структур і арганізацый. І тое, што ў нас на Іванічы ўсё прайшло добра, ды і каманда заняла чацвёртае месца з 23-х, - гэта заслуга многіх людзей.
У першую чаргу дзякуй лясгасу. Турслёты на трэцяй прыстані пастаянна ўносяць трошкі лішняга напружання для Чэрвеньскага лясніцтва. Даводзіцца хвалявацца і за ўборку смецця, і за дровы, і за захаванасць ляснога фонду, і за парубкі, і за пажары. Таму леснікі заўсёды на чэку. Але вынік дапамогі лясгаса заўсёды вельмі радуе! Акрамя таго, удзел у спаборніцтвах работнікаў лясгаса прынёс перамогу нашай камандзе ў перацягванні ліны, і, адпаведна, высокае месца ў агульнакамандным заліку.
Шмат зрабілі для турслёта хлопцы чацвёртай школы і завуч Валянціна Табалевіч, якая сама была ўдзельнікам каманды і адным з нашых лідэраў, строга сачыўшая за дысцыплінай. Адзначу, што ў Валянціны Міхайлаўны трое выдатных сыноў, малодшаму з якіх усяго каля двух гадоў, і пры гэтым яна знаходзіць магчымасць удзельнічаць у шматлікіх мерапрыемствах і дапамагае ў іх арганізацыі і правядзенні. Так было і з турслётом. Прыемна было пазнаёміцца ў дзевяцікласнікам Даніілам Табалевічам, гэта ўжо амаль зусім дарослы, самастойны і надзейны чалавек, яму мы спакойна даручалі шмат адказных спраў.
Некалькі хлопцаў з чацвёртай школы працавалі на турслёте валанцёрамі - дапамагалі турыстам з геаграфіяй лагераў і з масай іншых пытанняў і праблем, якія ўзнікалі па ходзе трох дзён знаходжання ў іваніцкiм лесе. Акрамя таго, некаторыя ўдзельнічалі ў конкурсе па жыме штангі, прадэманстраваўшы яшчэ раз, якія ў Чэрвені ёсць класныя спартсмены.
Якой бы ні быў добры настрой і як ні цудоўна прырода лясной зоны, але без ежы аніякі турыст доўга радавацца не будзе. Вялікі дзякуй арганізацыям, якія дапамаглі з прадуктамі і забяспечылі нашу турыстычную кухню. Гэта ЗАТ «Турэц», «Шашлычны двор», рыбгас «Волма», райспажыўтаварыства і вытворча-харчовай завод.
Калі турыст сыты і задаволены, ён, як і любы чалавек, хоча спяваць, танцаваць і весяліцца. Усёй вобласці не давалі тры дні сумаваць работнікі Чэрвеньскага Цэнтра культуры і вольнага часу. Дзякуй Андрэю Хурсевічу, Валянціну Марозу і Мікалаю Осіпчыку.
Таксама райкам дзякуе за дапамогу ў арганізацыі і правядзенні турслёта аўтапарку № 20, Чэрвеньскаму будаўнічаму ліцэю і Чэрвеньскаму дом-інтэрнату.
Дзякуючы таму, што мы ўсе разам выканалі кожны сваю частку працы, атрымалася выдатнае агульнае свята здароўя, спорту, дружбы і маладосці. Я яшчэ раз пераканаўся, што вакол шмат выдатных, спагадлівых людзей, з якімі можна зрабіць яшчэ шмат розных выдатных і цікавых спраў.
Павел КЛЫНДЗЮК. Фота Наталлі КАРАЛЬКЕВІЧ
Карта сайта