Такая звыклая і даступная для жыхароў вялікіх гарадоў паслуга, як таксі, прыйшла і ў Чэрвень. Хоць кошты і кусаюцца для кашалька нашых землякоў, але паслуга прыжылася. Вельмі зручна і хутка. Патэлефанаваў, сказаў адрас, і праз некалькі хвілін у твайго дома - машына таксі. У Чэрвені тры прыватныя службы таксі.
Андрэй Парфiмовiч стаў уладальнікам службы таксі «207» зусім нядаўна - тры месяцы таму. Яму 32 гады, родам з Чэрвеня. Адукацыя - вышэйшая. Служыў у войску: два гады ў войсках спецыяльнага прызначэння. Спрабаваў сябе на розных пасадах у сілавых структурах. Але, стаўшы чалавекам сямейным, задумаўся пра камфортныя умовы жыцця для сваіх любімых: жонкі Ганны і дочкі Ксюшы. Вырашыў вярнуцца жыць у Чэрвень - экалагічна чысты гарадок, бо тут няма ніякага вытворчасці, і да Мінска ехаць 45 хвілін. Усе даброты сталіцы да тваіх паслуг.
Рашэнне заняцца сваёй справай - прыватным таксі, прыйшло спантанна. Прапанавалі купіць з нагоды. Канкурэнтаў Андрэй не баіцца, бо гэта толькі стымулюе быць лепш, больш акуратным, надзейным. Ужо ёсць свае пастаянныя кліенты. На выклікі кожны дзень выязджаюць тры машыны.
-Усе аўтамабілі прайшлі дзяржаўны тэхагляд, - распавядае Андрэй, - Але яшчэ і кожны дзень вадзіцелі вырабляюць дадатковы агляд тэхнічнага стану і вонкавага выгляду аўтамабіля. Бяспека пасажыраў - перш за ўсё. Пры атрыманні званка, дыспетчар абавязкова ўдакладняе: ці будуць сярод пасажыраў дзеці? Калі «Так», то ў машыне замацоўваецца дзіцячае крэсла. Да кожнага кліента - індывідуальны падыход. Калі пасажыр настроены пагаварыць, то кіроўца падтрымае гутарку, выкарыстоўваючы добрую нарматыўную лексіку. Мы дапаможам загрузіць і выгрузіць багаж. Прыедзем у любы час: ранняй раніцай ці позна ўвечары. Для таго, каб пра службу таксі «207» ведалі, друкуем візітоўкі, календары, добрым попытам карыстаюцца магніцікі з лагатыпам «207». У планах - стварыць мабільнае прыкладанне: «Выклік таксі «207». Цана - чатыры рублі за паездку па горадзе, можа і здаецца высокай, але, пры пасадцы ў машыну ў адзін бок чатырох чалавек, кожны заплаціць толькі па рублю. На ўзроўні цэны адбіваецца і дрэнны стан дарог у раёне і на вуліцах нашага гарадка. Машыны ламаюцца. Рамонт мы вырабляем толькі на СТО.
Тэлефануйце, выклікайце. Будзем рады аказаць паслугу на выдатным узроўні.
Запісала Галіна Гамеза. Фота аўтара
Карта сайта