Таму ўсё больш востра стаіць пытанне стварэння безбар'ернага асяроддзя жыццядзейнасці інвалідаў і фізічна аслабленых асоб. У безбар'ерным асяроддзі для бесперашкоднага перамяшчэння маюць патрэбу не толькі інваліды, але і іншыя катэгорыі грамадзян, у першую чаргу - сталага веку, колькасць іх складае, паводле інфармацыі ўпраўлення па працы, занятасці і сацыяльнай абароны, чвэрць насельніцтва нашага раёна. Першачарговымі аб'ектамі пры стварэнні безбар'ернага асяроддзя з'яўляюцца ўстановы аховы здароўя, адукацыі, спорту і турызму, культуры, сацыяльнай інфраструктуры.
У 2018 годзе элементамі безбар'ернага асяроддзя - пандусы, поручні - абсталяваны: Руднянская ўрачэбная амбулаторыя, будынак Чэрвеньскага РКБО, комплексны аб'ект прыдарожнага сэрвісу «Верасок-Эліт» в.Корзуны, крама «Суседзі» у г.Чэрвень, кінатэатр «Сучаснік» .
«Кнопка выкліку» ўстаноўлена на будынку тэрытарыяльнага цэнтра сацыяльнага абслугоўвання і на будынку Чэрвеньскага ЖКГ.
Для зручнага, бяспечнага перамяшчэння па горадзе, у тым ліку інвалідам і пажылым людзям, у Чэрвені праведзена рэканструкцыя гарадскіх аўтобусных прыпынкаў, абсталяваны зоны адпачынку з устаноўкай лавак, працягваецца кладка тратуараў на вуліцах горада. Канчатковая задача стварэння безбар'ернага асяроддзя на ўсіх сацыяльных аб'ектах - даступнасць яго наведвання для ўсіх катэгорый грамадзян, у тым ліку інвалідаў-калясачнікаў, інвалідаў па зроку і слыху.
Даведачна: па стане на 1 студзеня 2018 гадоў ў раёне пражывалі:
131 інвалід-калясачнік, з іх 8 - дзеці;
133 інваліда па зроку, з іх 12 - дзеці;
15 інвалідаў па слыху, з іх 2 - дзеці.
На працягу 2018 года інвалідаў-калясачнікаў стала больш на 11 чалавек, інвалідаў па зроку зменшылася на 7 чалавек.
У 2019 годзе яшчэ тры аб'екта (1 аб'ект аховы здароўя, 2 аб'екта культуры) будуць абсталяваны пандусам і поручнямі. У тэрытарыяльным Цэнтры сацыяльнага абслугоўвання насельніцтва плануецца нанясенне накіроўвальнай тактыльнай паласы ў 4 аддзяленнях, устаноўка ў аддзяленні забеспячэння дзённага знаходжання для інвалідаў чатырох тактыльных шыльдаў з выкарыстаннем рэльефна-кропкавага шрыфта Брайля. У пад'ездах жылых дамоў па вул. Б.Хмяльніцкага будуць пафарбаваны яркай фарбай першыя і апошнія прыступкі лесвічных пралётаў.
На жаль, адзначаюць жыхары горада, што ўжо наяўныя пандусы у некаторых устаноў (пошта, аптэка і інш.) Зусім непрыдатныя для пад'ёму і спуску на інваліднай калясцы. Яны хутчэй нагадваюць горкі, з якіх добра катацца зімой. А ідэя была добрая, і грошы затрачаны, і праца ўкладзены, а карысці - нікому.
Карта сайта