У пачатку семінара начальнік аддзела эканомікі райвыканкама Вольга Пархачова распавяла ўдзельнікам мерапрыемства аб развіцці малога і сярэдняга прадпрымальніцтва ў Чэрвеньскім раёне. Аб умовах крэдытавання і прадастаўлення пакетаў банкаўскіх паслуг для малога і сярэдняга бізнесу вялі гутарку прадстаўнікі цэнтра банкаўскіх паслуг №627 ААТ «ААБ Беларусбанк» Вольга Казлова і ЦБП №627 ААТ «Белаграпрамбанк» Наталля Корзун. Начальнік аддзела па землеўпарадкаванню Алена Пачасуй прадставіла інфармацыю аб невыкарыстоўваемых аб'ектах і зямельных участках, прапанаваных для продажу і рэалізацыі інвестыцыйных праектаў. Аб патрабаваннях дзяржавы ў галіне своечасовасці выплаты і падтрыманні годнага ўзроўню заработнай платы казала намеснік начальніка ўпраўлення па працы, занятасці і сацыяльнай абароне Людміла Дзядзюк. На пытанні прысутных у галіне падатковага заканадаўства і адлічэнняў у Фонд сацыяльнай абароны адказалі начальнік упраўлення па працы з плацельшчыкамі па Чэрвеньскім раёне Іна Курэйчык і намеснік начальніка раённага аддзела Фонду сацыяльнай абароны Наталля Чумак.
Галіна Гамеза. Фота аўтара
Карта сайта