Пасля таго, як сольны канцэрт Андрэя Хурсевіча адбыўся ў Чэрвені, жыхары сельскай мясцовасці сталі задаваць пытанні: «А мы як жа? Таксама на канцэрце хочам пабываць!..»
Хочаце - калі ласка! І вось ужо рыхтуюцца сольныя выступы Андрэя ў чатырох дамах культуры Чэрвеньскага раёна: Турэцкім, Шасцiснопскiм, Руднянскiм і Чарнаградскім.
Жыхары ўжо загадзя рыхтуюцца да гэтага, як да важнай падзеі. Трэба быць пры парадзе, бо выступае мясцовая зорка! Андрэй у сваю чаргу абяцае добры настрой і добры рэпертуар.
Наталля КАРАЛЬКЕВІЧ. Фота з сеткі ВК

