У рамках гульнявой праграмы былі праведзены акцыі да Дня рэспубліканскага адзінага Дня бяспекі «Шыфр 112» сумесна з РАНС. Павіншаваў вучняў са святам і пажадаў поспехаў першы намеснік начальніка Чэрвеньскага раённага аддзела па надзвычайных сітуацыях Павел Купрацэвіч. Інспектар прапаганды і навучання РАНС Юлія Максіменя разам з вядучай свята правялі з дзецьмі займальныя і забіяцкія гульні, нагадалі як трэба сябе паводзіць у небяспечных сітуацыях.
У мэтах прафілактыкі і папярэджання дарожных здарэнняў з удзелам дзяцей прайшла акцыя «Увага - дзеці!» сумесна з Чэрвенскім РАУС. Старшы дзяржаўтаінспектар капітан міліцыі Аляксандр Манулік распавёў аб неабходнасці выканання правілаў бяспечных паводзін на дарозе. Дзеці маглі прымерыць на сябе вопратку супрацоўнікаў групы затрымання, пасядзець за рулём аўтамабіля Дзяржаўтаінспекцыі.
Жадаем усім навучэнцам поспехаў у вучобе і спадзяемся, што кожны з іх сапраўды абярэ занятак па душы, і будзе прыходзіць да нас з усмешкай.
Вольга Кузюткiна,
загадчык метадычнага сектара
ДУК «Чэрвеньскі РЦКiД»
Карта сайта