Прыемна адзначыць, што ў век высокіх тэхналогій прафесія ўсё яшчэ вельмі запатрабавана. Годна і сумленна адносяцца да сваёй працы ўсе супрацоўнікі бібліятэкі. Ветліва сваіх чытачоў сустракаюць бібліятэкары аддзела абслугоўвання і інфармацыі Святлана Калтовіч і Жана Крук. На абанеменце яны прафесійна падбяруць мастацкія творы на любы густ, а ў чытальнай зале галіновую літаратуру якасна прадставiць бібліятэкар Кацярына Дземахіна. Пра тое, што друкуецца ў часопісах і газетах дасканала паведаміць бібліёграф Алена Шульга. На раёне сумленна абслугоўвае сваіх чытачоў Вольга Стрыжанкова.
Нястомна выконваюць свае абавязкі і супрацоўнікі дзіцячага аддзела, аддзела бібліятэчнага маркетынгу i аддзела камплектавання, апрацоўкі і арганізацыі адзінага фонду.
Шчыра i самааддана працуюць бібліятэкары раёна.
Прыемна, што да нас прыходзяць маладыя спецыялісты. У гэтым годзе прыехала Дыяна Біндзюкова з Магілёва.
Трэба адзначыць, што ў наступным годзе бібліятэка адсвяткуе 100-гадовы юбілей. Спадзёмся, што з цудоўным настроем і ва ўтульным памяшканні сустрэнем гэтую дату.
Дзякуем сваім чытачам, якія на працягу многіх гадоў сябруюць з намі, прыходзяць на нашы мерапрыемствы, цікавяцца навінкамі літаратуры.
Паважаныя! Мы вельмі рады бачыць Вас!
Віншуем са святам «Днём бібліятэк» усіх нашых калег. Жадаем моцнага здароўя, дабрабыту і творчых поспехаў.
Святлана Ждановiч,
загадчык аддзела абслугоўвання iiнфармацыi
ДУК «Чэрвеньская цэнтральная раённая бібліятэка»
Карта сайта