Да Дня бібліятэк, які адзначаецца 15 верасня, работнікі бібліятэкі падрыхтавалі цікавую выставу. Тут можна ўбачыць самую маленькую кнігу і самую вялікую, самую «старую» і самую «новую».
Хлопцы ўбачылі дыяпраектары, фільмаскоп, які служыў іх бабулям і дзядулям, мамам і татам, і з дапамогай якога можна было глядзець дыяфільмы. Такі апарат сёння стаў дзівоцтвам. Рабятам прадэманстравалі адзін фільм.
Цікава было паглядзець і на пішучыя машынкі, яны беражліва захоўваюцца як рэліквіі, бо іх выкарыстоўвалі людзі старэйшага пакалення, якія працавалі ў бібліятэцы.
Прынтэры розных пакаленняў, тэлефонныя апараты, калькулятары - усё выклікала ў хлопцаў цікавасць.
З задавальненнем паўдзельнічалі дзеці ў віктарыне, якая прапаноўвала даведацца казачнага героя і расказаць пра яго.
Асабліва спадабалася дэфіле дзяўчыны ў сукенцы, вырабленай з газет. Ну чым не ўбранне?
Фантазіі, творчасці не займаць бібліятэчным работнікам. Са святам вас! Здароўя, шчасця, дабрабыту і рэалізацыі новых творчых планаў!
Таццяна Марцьянава. Фота аўтара і Наталлі Калтовіча
Карта сайта