Галоўная мэта такіх сустрэч - нагадаць кожнаму грамадзяніну аб правілах пажарнай бяспекі, пра тое, як важна заўсёды і ўсюды быць вельмі уважлівым і асцярожным з агнём, як цяжка змагацца з пажарам і якi цяжкія, а часам і незаменныя яго наступствы. Бо нездарма кажуць: «Пажар лепш папярэдзіць, чым тушыць».
Вячаслаў Саўковiч адзначыў, што кожны другі пажар адбываецца ў выніку нядбайнага абыходжання з адкрытым агнём. Гэта і не затушаныя запалкі, і цыгарэты, і нават свечкі.
Набліжаецца халодная пара года, калі ўжо не так прыемна папаліць дзе-небудзь у цяньку, на вуліцы, у двары. Аднак работнік МНС настойліва параіў тым, хто паліць, цалкам адмовіцца ад курэння ў доме. Бо многія з зарэгістраваных у раёне пажараў адбыліся менавіта па прычыне курэння ў жылым памяшканні!
Ішла размова і аб пажарных апавяшчальніках. Прадстаўнік МНС прывёў мноства прыкладаў, калі пажар можна было папярэдзіць на самай ранняй стадыі, калі б у доме быў усталяваны аўтаномны пажарны апавяшчальнік. Выратавальнік заклікаў усіх прысутных ўсталяваць гэты прыбор у сваім жыллі, а таксама распавёў пра прынцып яго працы.
Абмяркоўвалася і пажарная бяспека на працоўных месцах. Вячаслаў Саўковiч нагадаў работнікам лясгаса пра алгарытм дзеянняў пры ўзнікненні пажару, прадэманстраваў, як карыстацца вогнетушыцелем.
Мы жывем у 21-м стагоддзі, калі вельмі шмат карыснага можна даведацца з «сусветнай павуціны» або выкарыстоўваючы прыкладаннi мабільнай сувязі. Мабільныя прыкладаннi даступныя, шырока выкарыстоўваюцца і рэальна дапамагаюць у многіх сферах жыцця. Гэта датычыцца і надзвычайных сітуацый. Вячаслаў Саўковiч пазнаёміў прысутных з мабільным дадаткам «МНС Беларусі: дапамога побач». Яно не дазволіць разгубіцца ў экстранай сітуацыі і падкажа верны алгарытм дзеянняў. Выкарыстоўваючы гэта дадатак, чалавек заўсёды мае ўсю важную інфармацыю пад рукой.
Начальнік аддзела МНС павіншаваў усіх працаўнікоў лясгаса з мінулым прафесійным святам і ўручыў Грамату Мінскага абласнога ўпраўлення МНС Рэспублікі Беларусь галоўнаму ляснічаму Віктару Казакову за плённае супрацоўніцтва з органамі і падраздзяленнямі МНС пры ліквідацыі і папярэджанні надзвычайных сітуацый.
Наталля КАРАЛЬКЕВІЧ. Фота Юліі Максіменя
Карта сайта