У красавіку гэтага года Раман Каліноўскі размясціў фотасесію Людмілы Ваўчок на сваёй старонцы ў Facebook. Вось, што ён напісаў у суправаджэнні да яе:
- Нядаўна я выпадковым чынам пазнаёміўся з Людмілай Ваўчок... Наша сустрэча была зусім кароткай, але ўжо тады я вырашыў, што хачу пафатаграфаваць яе. Чаму - я не магу адказаць дакладна на гэтае пытанне. Гэта жаданне ўзнікае на ўзроўні адчуванняў. І я быў бясконца рады, калі яна прыняла маю прапанову зрабіць здымкi. Гэтыя здымкi я вырашыў рабіць не ў студыі, а ў больш звыклай для Люды абстаноўцы. Яна была вельмі рада таму, што мы апынуліся ў спартыўнай зале - бо гэта частка яе звыклага жыцця. Месца і атмасфера на здымках заўсёды вельмі важныя для таго, каб чалавек раскрыўся, і я змог злавіць тую самую эмоцыю. І звычайна ў працэсе здымкі я вельмі шмат аддаю ўнутранай энергіі таму, каго фатаграфую і мне важна знайсці зваротную сувязь. Калі адбываецца роўны абмен энергіямі - гэта залог класнага выніку. Так і адбылося з Людмілай - гэта быў узаемны абмен энергіяй і ад зносін з ёй я атрымліваў неймаверную цяпло і душэўны спакой. Спадзяюся, што гэтая серыя фатаграфій будзе не проста лічбавым малюнкам, а невялікім маім расказам пра гэтага чалавека!
23-24 верасня ў Галерэі ДК - выхадны. 25 верасня з 12-00 да 20-00 - апошні дзень выставы.
Фота з архіву Людмілы Ваўчок і старонкі Рамана Каліноўскага ў Facebook
Карта сайта